Еліміздегі ең үлкен зейнетақы мөлшері белгілі болды

Бірыңғай жинақтаушы зейнетақы қоры (ЖЗҚ) қызықты ақпарат жариялады. Мамандар еліміздегі ең бай зейнеткердің  зейнетақы мөлшерін айтты. 

Қордың сайтында бұл деректер 1 ақпандағы жағдай бойынша келтірілген.

Мәселен, зейнеткерлік жасқа толуына байланысты БЖЗҚ — дан төленетін орташа айлық төлем сомасы 35 523 теңгені, ал ай сайынғы төлемнің ең жоғары сомасы–993 040 теңгені құрады.

Сондай–ақ, БЖЗҚ 2025 жылғы 1 ақпандағы жағдай бойынша зейнетақы шоттарының жалпы саны 17,24 млн бірлікті құрағанын атап өтті.

“ЖЗҚ–дағы зейнетақы шоттарындағы қазақстандықтардың зейнетақы активтері шамамен 22,64 трлн теңгені құрады. Соңғы 12 айда зейнетақы активтері 4,52 трлн теңгеден (немесе 25%) астам сомаға өсті”,-деп хабарлайды  ҚР ЖЗҚ баспасөз қызметі.

Бұған дейін еңбек және халықты әлеуметтік қорғау министрлігінің (Еңбекмині) баспасөз қызметі 2025 жылдың басынан бастап Республикалық бюджеттен 346 млрд теңге сомасында зейнетақы төленгенін, оның ішінде базалық зейнетақы төлеуге 111,8 млрд теңге, ынтымақты зейнетақы төлеуге–234,2 млрд теңге бағытталғанын мәлімдеді.