ҚАЛА ӘКІМІНІҢ БАСШЫЛЫҒЫМЕН ЖИЫН ӨТТІ
Түркістан қаласының әкімі Нұрбол Тұрашбековтің төрағалығымен өткен кезекті аппараттық мәжілісте күн тәртібіне сәйкес бірқатар мәселелер сараланып, тиісті бөлімдердің есебі қаралды.
Қала әкімінің орынбасары Байдулла Оразбековтің мәлімдеуінше, көктемгі тал егу науқанына дайындық басталып кеткен. Көшеттердің денін қаладағы тұқымбақтан алып егу келісілген.
Сонымен қатар, шаһар аумағындағы қалған топырақ көшелерге тас төсеуді мердігер мекеме басшыларымен пысықтап, бастау мәселесі талқыланды.
Наурыз айында “Жаңа қаладағы” 9-11 көшелерде орналасқан 7 қабатты 24 тұрғын үйдің ауласындағы сыртқы жарықтандыруды, 12 қабатты 10 үйдің ауласын жарықтандыруды толық аяқтау, 9-11 көшелерінің абаттандыру жұмыстарын аяқтау бақылауға қойылды.
Түркістандағы күрделі жөндеуді қажет ететін мектептер де күн тәртібінен табылды. Нұрбол Әбдісаттарұлы құрылыс бөліміне жобалау-сметалық құжаттарды сараптамаға ұсынып, қорытынды алуды жылдамдатуды тапсырды.
Сондай-ақ, жиналыс барысында 6 секторда тұрғындармен өткен кездесу және жеке қабылдау нәтижесінде берілген тапсырмалардың орындалуы сараланды.
17news.kz – мәтін түрінде, бейнекөрініс және сурет арқылы ақпарат тарататын тәуелсіз желілік басылым.
Сайт 23.12.2022 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ75МЗН00061729 куәлігімен тіркелген.
Бас редактор: Айжан Ермекқызы
Материалды көшіріп басу кезінде 17news.kz сайтына тікелей гиперсілтеме көрсету міндетті.
Сайт 23.12.2022 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ75МЗН00061729 куәлігімен тіркелген.
Бас редактор: Айжан Ермекқызы
Материалды көшіріп басу кезінде 17news.kz сайтына тікелей гиперсілтеме көрсету міндетті.
