Қазақстандағы ең қылмысты қала белгілі болды

Бас прокуратурада 2024 жылдың қорытындысы бойынша қылмыс деңгейінің өсуі байқалған Қазақстанның өңірлері аталды.

Бас прокуратураның Құқықтық статистика және арнайы есепке алу жөніндегі комитетінің деректері бойынша, елімізде  жалпы қылмыстың — 5,3 пайызға (140 272–ден 132 778-ге дейін) төмендеуінің оң динамикасы байқалады.

Қылмыстың өсімі Маңғыстауда 12,2 пайызға (3097–ден 3474-ке дейін), Атырауда 8,5 пайызға (4283–тен 4647-ге дейін), Павлодар облысында 5,6 пайызға (5039–дан 5322-ге дейін), Қызылорда облысында 4,6 пайызға (2871–ден 3003-ке дейін), Ұлытауда 2,8 пайызға (1278–ден 1314-ке дейін), Алматыда 1,6 пайыз (10223 10385-ке дейін) және Ақмола облысында 0,7 пайызына (5084–тен 5120-ға дейін) байқалады.

“Қылмыстардың көбі Алматы — 24 965 (18,8 пайыз) және Астана қалаларында— 17 339 (13,1 пайыз), Алматы — 10 385 (7,8 пайыз) және Қарағанды — 7 562 (5,7 пайыз) облыстарында жасалған“,-делінген хабарламада.

Тарқатып айтар болсақ, жалпы қылмыстық құқық бұзушылықтардың :

• 34 пайызы алаяқтық (45 156),
• 23 пайызы ұрлық (30 593),
• 6,3 пайызы есірткі қылмысы (8 363),
• 1,2 пайызы тонау (1 551),
• 1,2 пайызы бұзақылық (1 615),
• 0,8 пайызы мал ұрлығы (1 051),
• 0,4 пайыз–кісі өлтіру (566),
• 0,3 пайыз — зорлау (421),
• басқа да құқық бұзушылықтар 32,7 пайыз (43 462).

Ауырлығы төмен қылмыстар бойынша -7,6 пайызға (21826-дан 20178-ге дейін), ауырлығы орташа -16,8 пайызға (58874-тен 48992-ге дейін) және ауыр қылмыстар бойынша -2,2 пайызға (37548-ден 36736-ға дейін) төмендеу байқалады.

Сонымен қатар, ұрлық — 28,3 пайызға (42639 — дан 30 593 — ке дейін), оның ішінде ұялы телефон ұрлығы — 30,9 пайызға (10 530–дан 7 273-ке дейін), пәтер ұрлығы–33,5 пайызға (3 566–дан 2 373-ке дейін), автокөлік ұрлығы–42,2 пайызға (258–ден 149-ға дейін). Мал ұрлығы да 30,9 пайызға (1520 — дан 1051-ге дейін) төмендеді.