Турагенттік ондаған қазақстандық отбасын 40 млн теңгеге “лақтырды”

Зардап шеккендерден 53 өтініш түсті.

Қостанайда туристік агенттіктердің бірі полицейлердің назарына ілікті. Шетелге турларды брондаумен айналысқан компания үстінен клиенттерден жаппай шағымдар түсті, деп хабарлайды Polisia.kz.

Қазіргі уақытта полицияға турлар үшін төлеген, бірақ уәде етілген қызметтерді алмаған зардап шеккендерден 53 өтініш түсті. Адамдар Египет, Түркия, Таиланд, Вьетнам және Қытайға тапсырыс беріп, турлардың құнын толық немесе ішінара төлеген. Алайда, төлемге қарамастан, турларға тапсырыс берілмеді және ақша қайтарылмады. Клиенттер турларды кеңсеге бару арқылы да, телефон арқылы да брондап, қолма-қол және онлайн төлепті.

Бірақ ұшу күні олар турларға тапсырыс берілмегенін біледі. Алдын ала есептеулер бойынша залал 40 миллион теңгені құрап отыр. Компания айыптауларға ақша берілмеді, ал турлар өзіндік құны бойынша сатылды, сондықтан проблемалар туындады деп жауап берді. Қазіргі уақытта полиция турларды брондауды растайтын құжаттардың жоқтығын анықтады. Екі және одан да көп зардап шеккендерге қатысты алаяқтық фактісі бойынша сотқа дейінгі тергеу жүргізілуде. Күдікті–жеке кәсіпкер, ұсталды. Тергеу жалғасуда. Полиция осындай схема бойынша зардап шеккендердің барлығынан құқық қорғау органдарына жүгінуді сұрайды.