Қазақстанның Түркиядағы Елшілігі отандастарына жүгінді

Қазақстанның Түркиядағы Елшілігі отандастарына үндеу жариялады.

Елде орын алған жағдайға байланысты Сізден адам көп жиналатын орындарға барудан бас тартуды, демонстрациялар мен митингілерге жеке қатысудан аулақ болуды, жоғары қауіпсіздік шараларын сақтауды сұраймыз,- делінген хабарламада.

Дипломаттар демонстрациялар (митингілер) және жеке бағалаулар, болып жатқан оқиғаларға қатысты пікірлер туралы ақпаратты әлеуметтік желілерде таратудан аулақ болуға шақырады.

Қазақстандықтарды қырағылық пен сақтық танытуға, жаңалықтарды қадағалауға және биліктің ұсынымдарын ұстануға, сондай-ақ Қазақстанның Түркиядағы дипломатиялық өкілдіктерімен байланыста болуға шақырды. Қазақстанның Түркиядағы шет елдердегі мекемелерінің жедел желілерінің телефондары:

Қазақстанның Анкарадағы елшілігі: +905352734496.

Қазақстанның Ыстамбұлдағы Бас консулдығы: +905012621465.

Қазақстанның Антальядағы Бас консулдығы: +905394400522.

Қазақстанның Измирдегі Бас консулдығы: +905530998789.