Жетісу: Балықшылар батып кете жаздады

Жетісу облысында төтеншеліктер суға батып бара жатқан екі балықшыны құтқарды.

ҚР ТЖМ

Ескелді ауданы Қарабұлақ ауылының № 13 өрт сөндіру бөлімінің пультіне жұмыс істемейтін қант зауытының тоғанына адам батып бара жатқаны туралы хабарлама келіп түсті. Келген өрт сөндірушілер қайықты ұстап тұрған екі адамды жағадан шамамен 60 метр қашықтықта суда тапты. Оларға жеткенде құтқарушылар қайықты арқанмен байлап, жағаға шығарып, ер адамдарды құтқарды. 1962 және 1988 жылы туған екі азамат құтқару кеудешесін кимей балық аулауға барғаны анықталды. Олардың бірі балық аулау кезінде қайықтан аударылды, ал екіншісі қоңырау шалып, көмек сұрады, содан кейін ол досын құтқармақ болған, бірақ өзі де судан шыға алмаған. Судың төмен температурасына байланысты екеуі де гипотермияға ұшырады. Жедел жәрдем қызметкерлері тексергеннен кейін құтқарылғандар үйлеріне жіберілді.