ҰОС жеңісінің 80 жылдығына орай 42 мың адам естелік медаль алады

Қорғаныс министрлігінде Жеңістің 80 жылдығына орай марапаттау жоспарлары туралы айтылды.

Ведомствода соғыс және тыл ардагерлерін құттықтау шаралары жыл сайын өткізілетінін еске салды.

“Қорғаныс министрлігі әскери–патриоттық іс-шараларды жоспарлады және өткізуде, ерекше көзге түскен әскери қызметшілерді құрметтеу, соғыста қаза тапқан қазақстандық жауынгерлерді еске алу және олардың ерліктерін бұқаралық ақпарат құралдарында жариялау бойынша жұмыс жүргізуде. Министрлік желісі бойынша ардагерлерді мерейтойлармен, мемлекеттік мерекелермен құттықтау тұрақты негізде жүргізіледі“, – деп хабарлады.

Сондай-ақ, көптеген қазақстандықтар естелік медальдарға ие болады.

Жеңістің 80 жылдығына орай 42 мың адамға естелік медаль тапсыру жоспарланған. Ол бірінші кезекте Ұлы Отан соғысының ардагерлері мен тыл еңбеккерлеріне арналған. 7 және 9 мамырға дейін өзге де іс-шараларды өткізу туралы ақпарат Министрліктің сайтында жарияланады.