Прокурорлар Шерзатты өлтіру ісі бойынша 23 жылға дейін бас бостандығынан айыруды сұрады

Мемлекеттік айыптаушылар 2024 жылдың аты шулы қылмыстық ісі: жасөспірімнің қазасына байланысты  өз ұсыныстарын білдірді.

Прокурорлар кәмелетке толмаған Шерзат Полаттың өліміне  қатысты айыпталушыларды 7 жылдан 23 жылға дейін бас бостандығынан айыруды талап етті.

Прокуратураның ұстанымына сәйкес, ҚР Қылмыстық кодексінің бірнеше бабы бойынша айып тағылып отырған Абзал Шынасыл қасақана кәмелетке толмаған адамға қатысты аса қатыгездікпен жасалған кісі өлтіру, сондай-ақ екі адамды өлтіруге оқталғаны үшін ең қатаң жазаға тартылуы тиіс. Прокурорлар оны 23 жылға бас бостандығынан айыруды сұрады.

Жазаның қатаңдығы бойынша екінші Равиль Сакиевтің үкімі болуы мүмкін. Ол алдын-ала сөз байласу арқылы кісі өлтіруге оқталғаны үшін, сондай-ақ қару-жарақ қолданғаны үшін айыпталды. Прокурорлар оны 20 жылға бас бостандығынан айыруды талап етеді.

Азамат Тоқтаубаевқа 15 жылға дейін бас бостандығынан айыру жазасы тағайындалуы мүмкін.

Іс бойынша Дархан Әскентай, Нұрбол Тоқтаубаев, Шыңғыс Белгожаев және Дидар Қалиахмет те жазаға тартылуда.  Прокуратура әрқайсысына 7 жыл бас бостандығынан айыру жазасын талап етіп отыр.

Басқа да іске қатысты сотты болған Нұрқияс Ілиясовтың жазалары біріктірілсе  9 жылға темір торға қамалуы ықтимал.

Аса ауыр қылмыс туралы хабарламады деп айыпталған кәмелетке толмаған Думан Ысқақовқа қатысты эпизод жеке қаралуда. Мемлекеттік айыптаушы оған кәмелетке толмағандарға арналған мамандандырылған мекемеде 1 жыл 6 айға бас бостандығынан айыруды талап етуде.

Айыптаулар 2024 жылдың қазан айында Талғар қаласында болған оқиғаларға негізделген, онда екі топ арасындағы қақтығыс 16 жастағы Шерзат Полаттың өліміне әкеліп соқтырды. Одан басқа қақтығыста Шерзаттың туыстары да зардап шеккен еді.