Қаржы министрлігі қандай аударымдарды тексеретінін айтты

Туған-туыстан түскен 1 млн теңгеден асатын аударымдар  тексеріле ме, жоқ па? Бұның жауабын ҚР Қаржы вицеминистрі Дәурен Кеңбейіл Үкіметте өткен брифингте айтты.

Журналистер:

“Егер мен туыстарымның есебінен тұрсам және маған, мысалы, ай сайын 300 мың теңге аударылса, маған сұрақтар болады ма? Қайырымдылық жинаумен айналысатын адамдар да тексеруден өтеді ме? Неліктен мобильді аударымдар үшін 1 млн теңге шегі таңдалды?“– деп сұрады.

Бұған жауап ретінде Дәурен Кеңбейіл қатарынан үш күнтізбелік айда 1 млн теңге сомасы туралы айтып отырғанын атап өтті.

“Бұл бір айда емес, үш айлық кезеңдегі сомма. Айына шамамен 300 мың теңге. Бұл соманы МКК-гі әріптестеріміз аударымдар бойынша презентативті деректер негізінде анықтады. Яғни, біздің әріптестеріміз бұл сома шартты түрде қауіпсіз деп санайды. Менің ойымша, бұл біздің мемлекеттік орган тарапынан қабылданған дұрыс шешім”, – деді ол.

Спикердің айтуынша, белгіленген шектен асқандар салық төлеушілерге аударымдардың мәнін түсіндіруі керек.

“Егер сіз ешқандай кәсіпкерлік қызметпен айналыспасаңыз, бұл аударымдардың сізге туыстарыңыздан түскенін түсіндіресіз. Сізге ешқандай сұрақтар болмайды. Бұл миллионға аударымдарды белсенді қолданатын адамдар түседі. Бұл кәсіпкерлік қызмет емес, сіздің туыстық қатынастарыңызбен байланысты екенін дәлелдегеннен кейін ешқандай сұрақтар болмайды”.