Қазақстанның қай аймақтарында жұмыс табу оңай

Ақпан айында еңбек биржасында бос орындар санының айтарлықтай өсуі, ал резюмелер санының азаюы  байқалды.

Еңбек министрлігінің хабарлауынша, Enbek электрондық еңбек биржасында 121,8 мың бос жұмыс орны және 132,3 мың түйіндеме орналастырылған. Алдыңғы аймен салыстырғанда бос жұмыс орындарының саны 23,2% – ға өскен, ал түйіндеме саны 31% – ға төмендепті.

Мамандар, әсіресе IT, білім беру және медицина салаларында әлі де сұранысқа ие.Е ң көп бос жұмыс орындарын ақпарат және байланыс (40,9 мың), білім беру (26,6 мың) және денсаулық сақтау (9,3 мың бос жұмыс орны) салаларындағы кәсіпорындар орналастырды. Бұл ретте денсаулық сақтау саласында санитарлар (1,5 мың) және медбикелер (1,3 мың бос жұмыс орны) барынша сұранысқа ие болды. 

Өңірлік бөліністе бос жұмыс орындары Батыс Қазақстан (+301%), Шығыс Қазақстан (+156%) және Қарағанды (+76%) облыстарында бар. Мамандық тапшы емес өңірлерге Жетісу (-33%), Шымкент қ. (-26%) және Маңғыстау облысы (-25%) жатады.

Ұсыныс тарапынан түйіндеме санының едәуір төмендеуі Маңғыстау облысында (-46% немесе 5,8 мың бірлік), Жетісу облысында (-45% немесе 4,3 мың бірлік) және Жамбыл облысында (-44% немесе 6,3 мың бірлік) байқалды.

Гендерлік құрылым бойынша өзгерістер тіркелмеген: әйелдер әлі де ер азаматтарға қарағанда (47%) жиі жұмыс іздейді (53%).

26-35 жас санаты ең белсенді болып қалады (26,6%), одан кейін 36-45 жас тобы (26,1%). 25 жасқа дейінгі жастардың үлесі 14,9%, ал 55 жастан асқан үміткерлердің үлесі 12% құрайды.

Жалақыға келетін болсақ, ең жоғары жалақы бас құрылысшыларға (орта есеппен 663 мың теңгеден бастап), Телекоммуникациядағы жоба жетекшілеріне (~653 мың теңге) және өнімді әзірлеу жөніндегі басшыларға (~625 мың теңге) ұсынылды. Сонымен қатар, IT-бөлімшелер басшыларының (орта есеппен 1,3 млн теңгеден бастап), Энергожүйе инспекторларының (~1,3 млн теңге) және геофизиктердің (~1,2 млн теңге) позицияларына үміткер ізденушілер ең жоғары жалақыны күтті.