Рим Папасы қайтыс болды

Рим Папасы Франциск 88 жаста еді, соңғы айларда ол қатты ауырып жүрген. 

Рим Папасы Франциск Пасха дүйсенбісінде, 2025 жылдың 21 сәуірінде, 88 жасында Ватикандағы резиденциясы Каса–Санта–Мартада қайтыс болды.

Хорхе Марио Бергоглио 1936 жылы 17 желтоқсанда Буэнос–Айресте (Аргентина) дүниеге келген. 2013 жылдың 13 наурызында Рим папасы болып сайланды, Ассизидегі Әулие Францисктің құрметіне Франциск есімін алды. Ол Жаңа әлемдегі алғашқы Рим Папасы болды және 1200 жылдан астам уақыт ішінде Еуропадан емес бірінші Рим Папасы болды, сонымен қатар ол бірінші иезуит Рим Папасы еді.

Бір күн бұрын, Пасха жексенбісінде ол АҚШ вице–президенті Джей Ди Вэнспен жеке кездесу өткізді, содан кейін Пасха жиынына барып, Әулие Петр алаңына жиналған адамдармен амандасқан болатын.