Италия премьер-министрінің Қазақстанға сапары кейінге қалдырылды

Италия премьер–министрі Джордж Мелони Қазақстанға сапарын кейінге қалдырды.

Бұл туралы 23 сәуірде Президенттің баспасөз хатшысы Руслан Желдібай хабарлады.

Италия тарапының өтініші бойынша 26-27 сәуірге жоспарланған Италия премьер-министрі Джорджи Мелонидің Қазақстанға ресми сапары және “Орталық Азия — Италия“ бірінші саммиті оның Рим Папасы Францисктің қайтыс болуына байланысты аза тұту іс-шараларына қатысуына байланысты ауыстырылады.

Сапардың жаңа мерзімдерін тараптар келіседі.  Мерзімдері туралы қосымша хабарланатын болады.

21 сәуірде  Президент Қасым–Жомарт Тоқаевтың шақыруымен 26-27 сәуірде Қазақстанға Италия премьер–министрі Джордж Мелони ресми сапармен келуі керек еді. Тараптар қазақ–итальян стратегиялық әріптестігін дамыту перспективаларын талқылауды жоспарлаған.