Талғар: Үйлену тойында атысқан

Алматы облысы Талғар ауданында үйлену тойы кезінде атыс болған.

“Бұл факт бойынша полиция қылмыстық істі тіркеп, сотқа дейінгі тергеу жүргізуде. Қабылданған шаралар нәтижесінде оқиғаға қатысушылардың барлығы анықталды. Ауруханаға жатқызылған төрт күдікті қорғауда. Бір қатысушы уақытша ұстау изоляторына қамалды. Іздестіру шаралары жүргізілуде“,–деп хабарлады Алматы облысы полиция департаментінің баспасөз қызметі.

Ведомство барлық кінәлілер заңға сәйкес жауапқа тартылатынын хабарлады.