Қазақстан мен Греция ынтымақтастық орнатуда

4-6 маусым аралығында “Қазақтеңізкөлікфлоты“ Ұлттық теңіз кеме қатынасы компаниясы басшылығының Грецияға сапары өтуде. 

Сапарды теңіз саласындағы екіжақты ынтымақтастықты нығайту мақсатында ҚР Елшілігі ұйымдастырды.

Делегация құрамына  Қазақстандық теңіз құрылымдарының басшылары кірді.

Сапар аясында қазақстандық делегация жетекші грек кеме қатынасы компанияларының басшылығымен кездесулер өткізді, сондай-ақ кеме жөндеу өндірістік объектілері мен порт инфрақұрылымының бірқатар объектілерін аралады.

Кеме жасау, флотқа техникалық қызмет көрсету, логистика, сондай-ақ көлік бағыттарын дамыту саласындағы өзара іс-қимылдың перспективалық бағыттарын талқылауға басты назар аударылды. Теңіз флотын басқаруға заманауи технологиялық шешімдерді біріктірудегі грек тарапының тәжірибесін зерттеу ерекше қызығушылық тудырды.

Тараптар диалогты кеңейтуге және екі елдің бейінді ұйымдары арасындағы ынтымақтастықтың тұрақты арналарын жолға қоюға дайын екендіктерін білдірді. Сапар Қазақстан мен Греция арасындағы теңіз тасымалы мен логистика саласындағы берік әріптестікті қалыптастырудағы маңызды қадам болды.