Қытайлық компания Шымкентте 13 миллион АҚШ долларын құрайтын жобаны жүзеге асырмақ

Шымкент қаласында Shanghai Fangyuan Steel Structure Co., Ltd. компаниясының өкілдерімен іскерлік кездесу өтті.

Кездесу барысында инвесторлар индустриалды аймақтың мүмкіндіктерімен танысып, болашақ жобалар бойынша пікір алмасты.

Shanghai Fangyuan Steel Structure Co., Ltd. — болат конструкцияларын жобалау, өндіру және монтаждау бойынша Қытайдағы жетекші компаниялардың бірі болып табылады.
Компания EPC моделі (жобалау, жабдықтау, құрылыс) бойынша инженерлік жобалардың толық циклін жүзеге асырады, сондай-ақ ғимараттарды нығайту және қайта құру, қасбеттік құрылымдар мен өртке қарсы инфрақұрылымдар салу бойынша қызметтер ұсынады.

Компанияның техникалық орталығы Шанхай қаласында орналасқан.
Компанияның қарамағында екі ірі өндірістік орталық бар:
1)Хэнань провинциясындағы (Хэнань провинциясы) Фугоуг индустриалды кластеріндегі 80 000 шаршы метр өндірістік база;
2) Цидун қаласының жағалаудағы индустриалды паркіндегі (Цзянсу провинциясы) 20000 шаршы метр өндірістік база.

Shanghai Fangyuan Steel Structure Co., Ltd. Қытайдың болат конструкциялары қауымдастығындағы бас директор Ли Цзяньпиннің мүшелігі мен көшбасшылық рөлімен дәлелденген саланы дамытуға белсенді қатысады.
Компания Қазақстан Республикасының аумағында құрастыру-болат конструкциялары мен сэндвич-панельдерді өндіру жөніндегі инвестициялық жобаны іске асыруға ниетті. Жобаның жалпы құны алдын ала 13 миллион АҚШ долларын құрайды. Жобаны іске асыру үшін ауданы 20 гектар жер учаскесі қажет.

Shanghai Fangyuan өкілдері Шымкент қаласынан зауыт салуға мүдделі екендіктерін білдіріп, индустриалды аймақтың инфрақұрылымы мен қолдау тетіктеріне жоғары баға берді.