Павлодар: Полицейлер вейп қоймасын тонады

Павлодарда вейп интернет–дүкенінің қоймасына қарақшылық шабуыл жасады деген күдікпен екі полиция қызметкері ұсталды.

18 сәуірде Павлодарда құқық қорғау органдарының 1992 жылы туылған екі қызметкері: А. және М., ұсталып, уақытша ұстау изоляторына қамалды.

Мәліметтері бойынша, ұсталғандар өңірдің оперлері болып табылады. Ағымдағы жылдың 15 қаңтарында күдіктілер вайп сатумен айналысатын интернет–дүкеннің қоймасына қарақшылық шабуыл жасаған. Қаскүнемдер 2 миллион теңге көлеміндегі қолма-қол ақшаны, сондай-ақ 10 миллион теңгеге жуық электрондық темекілерді ұрлап әкеткен.

Бастапқыда қылмыстық іс ҚР ҚК-нің 191–бабының 2-бөлігі (“тонау“) бойынша қозғалған, алайда 15 сәуірде ол 192-баптың 2-бөліміне (“алдын ала сөз байласу арқылы адамдар тобы жасаған тонау“) ауыстырылды. Полиция департаменті ұстау фактісін растады және болған оқиғаның мән-жайы тергеу аясында анықталғанын хабарлады. Күдіктілер қамалды.

Бұл ретте күдіктілердің қызметтен шеттетілгені туралы ресми түсініктемелер жарияланған кезде түскен жоқ.