Қазақстанда ауа райы 35 градусқа дейін төмендейді

Аяз келе жатыр: алдағы тәулікте Қазақстанда ауа райы күрт өзгереді.

“Қазгидромет“ РМК синоптиктері 2024 жылғы 24-26 желтоқсанға ел бойынша ауа райы болжамын жариялады.

Метеорологтардың айтуынша, 24 желтоқсанда республиканың көп бөлігінде, ал 25-26 желтоқсанда елдің батысында, солтүстік–батысында және шығысында қар жауады. Республиканың оңтүстік–батысында жаңбыр жаууы мүмкін. Бір қызығы, елдің оңтүстігінде ауа-райы негізінен жауын-шашынсыз болады.

“Республика бойынша қарлы боран, тұман, екпінді жел, елдің батысында көктайғақ болады деп болжануда“. “Қазгидромет“ РМК баспасөз қызметі.

Сондай-ақ, орталықта, елдің шығысында температураның 20-35 аязға дейін айтарлықтай төмендеуі күтілуде.

“Қалған аумақта температуралық фонда күрт өзгерістер болмайды“.

“Қазгидромет“ РМК баспасөз қызметі.