Air Astana ұшағы Бакуде қонуға мәжбүр болды

Air Astana әуекомпаниясының ұшағы Бакудегі “Гейдар Әлиев“ халықаралық әуежайына қонуға мәжбүр болды. 

Оқиға 24 наурызына қараған түні болды. Рейс Тбилиси — Алматы бағыты бойынша ұшты. “Air Astana әуекомпаниясының Airbus A321 әуе кемесінің капитаны Гейдар Әлиев халықаралық әуежайға мәжбүрлі қонуды сұрады. Мұның себебі борттағы жолаушылардың бірінің денсаулығының күрт нашарлауы болды. Ұшақ жергілікті уақыт бойынша сағат 00:25-те сәтті қонды“, – деп жазады Әзірбайжан порталы oxu.az.

Жолаушыға көмек көрсетілді, содан кейін оны жедел жәрдеммен ауруханаға тексеруге алып кетті. “Экипаждың жұмыс уақыты аяқталғандықтан, рейстің ұшуы 24 наурызға кешіктіріліп, жергілікті уақыт бойынша 13 сағат 40 минутқа дейін созылды. Жолаушыларға қонақ үйге тұруға және тамақтануға трансфер берілді“,–деді Air Astana әуекомпаниясы баспасөз қызметінде.