Словения президенті Қазақстанға атбасын бұрмақ

31 наурыз — 1 сәуір аралығында Словения Президенті Наташа Пирц–Мусардың Қазақстанға ресми сапары өтеді, деп хабарлады Ақордада.

Сапар барысында Президент Қасым-Жомарт Тоқаевпен келіссөздер жоспарланған. Онда сауда–экономикалық, инвестициялық, көлік және мәдени–гуманитарлық салалардағы өзара ынтымақтастықтың негізгі мәселелері талқыланады,- делінген хабарламада.

Іскерлік байланыстарды дамытуға ерекше назар аударылатын болады. Сапар аясында қазақ–словен бизнес–форумы өтеді.

Словения экожүйелерді қорғау және тұрақты даму бастамаларын белсенді түрде алға жылжытуда. Бұл сапар екіжақты қарым-қатынастарды, оның ішінде экология, экономика және гуманитарлық бастамалар салаларын нығайтудағы маңызды қадам болмақ.