Алаяқтар “Қазпошта” атынан жалған хабарламалар таратуда

Соңғы уақытта қазақстандықтар “Қазпошта“ атынан күдікті SMS–хабарламалар ала бастады.

Хабарламада “мекен–жайдағы қателікке байланысты хабарламаны жеткізу мүмкін емес” делінген. Сонымен қатар белгісіз сайтқа сілтеме қоса беріледі.

Пошталықтар бұл хабарламалар алаяқтардың құйтырқы әрекеті екенін ескертуде.

“Қазпошта“ ешқашан  мекенжайды растау үшін сілтеме жібермейтінін ескертеді.

Ақпаратты растау және кеңес алу үшін 1499 нөмірі бойынша байланыс орталығына хабарласуға болады.