Шымкент: “Көктем” базары жаңа сауда орталығына көшеді

Жаңа сауда орталығы – заманауи үш қабатты ғимарат, жалпы аумағы 7200 шаршы метр. Мұнда кәсіпкерлерге жаңа сауда орындары ұсынылады. Сауда орталығы келесідей бөлінеді:

1-қабат – сантехника және құрылыс материалдары

2-қабат – күнделікті тұтыну тауарлары (көкөніс, жеміс-жидек, ет өнімдері)

3-қабат – киім-кешек, ойыншықтар және басқа тауарлар

Айта кетсек, алғашқы 3 ай жалдау ақысы – тегін. Кейіннен жалдау құны олардың «Көктем» базарында төлеп жүрген деңгейінде сақталады. Мысалы, егер кәсіпкер бұрын 2×3 метр бутикті жалға алу үшін 25 мың теңге төлеген болса, жаңа сауда орталығында да осындай соманы төлейді. Кәсіпкерлермен түсіндіру жұмыстары жүргізілді. Қосымша сұрақтар бойынша 8-7252-24-74-33 нөміріне хабарласуға болады.