Ақтау маңындағы ұшақ апатынан зардап шеккен қыз Мәскеу ауруханасынан шығарылды

Ресей Федерациясының Президенті жанындағы бала құқықтары жөніндегі уәкіл Мария Львова–Белова Мәскеу ауруханасынан 11 жасар қыздың шығарылғаны туралы хабарлады.

Ол 2024 жылдың 25 желтоқсанында Ақтау маңында құлаған Әзірбайжан әуе жолына тиесілі ұшақ апатынан зардап шекті.

“Ол әжесімен бірге. Анасы Мәскеу клиникаларының бірінде емін жалғастыруда. Біз қажет болған жағдайда көмек көрсету үшін отбасымызбен байланыстамыз“,-деді уәкіл.

Естеріңізге сала кетейік, 25 желтоқсанда Бакуден Грозныйға рейс жасаған Әзірбайжан авиакомпаниясының ұшағы Ақтау маңында апатқа ұшыраған болатын. Бортта экипажды қосқанда 67 адам болды. 38 адам қайтыс болды, 29 адам аман қалды. Қаза тапқандардың арасында бір бала болса,  екі бала ауруханаға жатқызылды.