Қазақстанда зейнетақы, бюджеттік қызметкерлердің жалақысы және АӘК өседі

Қазақстанда зейнетақы, бюджеттік қызметкерлердің жалақысы, сондай-ақ атаулы әлеуметтік көмек (АӘК) және тұрғын үй көмегі өседі. Бұл туралы Премьер–Министрдің орынбасары — Ұлттық экономика министрі Серік Жұманғарин хабарлады.

“Заң бойынша біз инфляция деңгейіне зейнетақыны, бюджеттік қызметкерлердің, мұғалімдердің, дәрігерлердің жалақысын және т.б. өтеуіміз керек. Біз мұны істейміз. 20 пайыздық мөлшерлемемен бұл 800 миллиард теңге болды. 16 пайыздық мөлшерлемемен 500-550 миллиард болады. АӘК – біз оны көбейтеміз. Қазір ол 200 мың адамға шаққанда 40-45 миллиардты құрайды. Бізде не қалады? Тұрғын үй көмегі қалады. Біз, әрине, тарифтердің өсуіне байланысты оны көбейтіп, өтейтін боламыз“, – деді Жұманғарин.

Бұған дейін ҚҚС-тың өсуіне байланысты қазақстандықтардың жалақысы мен жәрдемақысын арттыру мәселесі туралы премьер–Министрдің орынбасары Тамара Дүйсенова түсініктеме берген болатын.

Естеріңізге сала кетейік, 20 ақпанда Салық кодексінің жобасына Парламентке түзетулер енгізілді.

“ҚҚС бойынша міндетті тіркеу есебіне қою үшін шекті 20 мың АЕК-тен (78,6 миллион теңге) 3 800 АЕК-ке (15 миллион теңге) дейін төмендету; жекелеген салалар үшін 10 пайыз төмендетілген мөлшерлемені белгілей отырып, ҚҚС мөлшерлемесін 12 пайыздан 16 пайызға дейін ұлғайту; арнаулы салық режимін (ҚҚС) тарату бойынша түзетулер енгізілді тек В2С сегменті үшін жеңілдетілген декларация“, – деп хабарлады Ұлттық экономика министрлігі.